مەهاباد؛ مامه عەلی‌نژاد لەلایەن هێزە ئەمنییەکانەوە دەسبەسەر کرا و بۆ شوێنێکی نادیار گواسترایەوە

ڕۆژی سێشەممە، ٤ی خاکەلێوەی  ١٤٠٥، هاووڵاتییەکی کورد بە ناوی «مامه عەلی‌نژاد» خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار گواسترایەوە.

بە وتەی سەرچاوەیەکی ئاگادار، هێزە ئەمنییەتییەکان بێ بەڵگەی یاسایی، ئەم هاووڵاتییەیان لە شوێنی کارەکەی دەسبەسەر کردووە.

ئەم سەرچاوەیە زیادیشی کرد: دوای دەستبەسەر کردنی ئەم هاووڵاتییە، هێزە ئەمنییەتییەکان هێرشیان کردووەتە سەر ماڵەکەیان و دەستیان کردووە بە پشکنینی ماڵەکەیان.

هەروەها ئەم سەرچاوەیە ئاماژەی داوە کە ئەم هاووڵاتییە کوردە لە ماوەی دەسبەسەرکرانیدا تاکوو ئێستا، لە دەسپێڕاگەیشتن بە پارێزەر و چاوپێکەوتن لەگەڵ بنەماڵە بێبەش کراوە.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی مامه عەلی‌نژاد زانیارییەک لەبەر دەستدا نییە.