نەغەدە؛ دەسبەسەرکرانی کاوە عەبدوڵڵازادە لە ڕێگای مەهاباد بۆ نەغەدە لەلایەن هێزە ئەمنییەتییەکانەوە
ڕۆژی هەینی ٢٩ی ڕەشەمەی ١٤٠٤، هاووڵاتییەکی کورد بە ناوی «کاوە عەبدوڵڵازادە» خەڵکی گوندی «خەلیفان» سەر بە شاری نەغەدە، لەلایەن هێزە ئەمنییەتییەکانەوە دەسبەسەر کرا.
سەرچاوەیەکی ئاگادار بە کوردپای ڕاگەیاند: هێزە ئەمنییەتییەکان بەبێ بەڵگەی یاسایی ئەم هاووڵاتییەیان لە ڕێگای مەهاباد بۆ نەغەدە دەسبەسەرکردووە.
ئەم سەرچاوەیە زیادیکرد: کاوە عەبدوڵڵازادە دوای دەسبەسەرکران بۆ زیندانی ناوەندی نەغەدە گواسترایەوە.
کاوە عەبدولڵا زادە تەمەن ٣٩ ساڵ، خێزاندار و سێ منداڵی هەیە.
هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەک لەبەر دەستدا نییە.
هەر لەو پەیوەندییەدا، ڕۆژی شەممە ٢٣ی ڕەشەمەی ١٤٠٤، دوو هاووڵاتیی کورد بە ناوەکانی «مەنسوور عەبدوڵڵازادە» تەمەن ٤١ ساڵه و «مەنووچێهر عەبدوڵڵازادە» تەمەن ٢٧ ساڵه خەڵکی گوندی «خەلیفان» سەر بە شاری نەغەدە، لەلایەن هێزە ئەمنییەتییەکانەوە دەسبەسەر کران، مەنووچێهر عەبدوڵڵازادە دوای دوو ڕۆژ دەسبەسەری و تەواوبوونی قۆناغەکانی لێکۆڵینەوە ئازاد کراوە.
