بەندیخانەی بۆجنوورد؛ ٤٣ ڕۆژ دەسبەسەرکرانی سەرەڕۆیانە و ناڕوونیی چارەنووسی بێهزاد ئازەرەخش
٣ی ڕەشەمەی ۱۴۰۴؛ سەرەڕای تێپەڕبوونی ٣٤ ڕۆژ لە دەسبەسەرکرانی سەرەڕۆیانەی "بێهزاد ئازەرەخش" هاووڵاتیی ٢١ ساڵانی کوردی خەڵکی "بۆجنوورد" ناوبراو هێشتا لە دۆخێکی ناڕووندا لە بەندیخانەی بۆجنوورد ڕاگیراوە و زانیارییەکی ورد سەبارەت بە چارەنووسی لەبەر دەستدا نییە.
بە وتەی سەرچاوەیەکی ئاگاداری کوردپا؛ "بێهزاد ئازەرەخش" لە ڕێکەوتی ٢١ی بەفرانباری ١٤٠٤دا بە بێ بەڵگەی یاسایی و بە هێرشی هێزە ئەمنییەتییەکان بۆ سەر ماڵەکەی، دەسبەسەر کرا و بۆ شوێنێکی نادیار ڕاگوێزرا و پاش کۆتاییهاتنی لێپرسینەوەکەی بۆ بەندیخانەی بۆجنوورد ڕاگوێزرا.
هەتا کاتی بڵاوبوونەوەی ئەم ڕاپۆرتە، زانیارییەک سەبارەت بە هۆکاری دەسبەسەرکردنی ئەم لاوە بڵاو نەکراوەتەوە و هێزە ئەمنییەتییەکان لەمبارەوە وڵامێکی ڕوونیان نەداوەتەوە. هەروەها ناوبراو تاکوو ئێستا لە مافی دەستڕاگەیشتن بە پارێزەر و چاوپێکەوتن لەگەڵ کەسە نزیکەکانی بێبەری کراوە.
