پیرانشار؛ چیا ئەحمەدنژاد، کاسبکاری تەمەن ٤٢ ساڵ بە سێ فیشەک و لە مەودای نزیکەوە لەلایەن هێزە نیزامییەکانی حکوومەتەوە کوژرا

ڕۆژی شەممە ٢٩ی خەرمانانی ١٤٠٤، کاسبکارێکی کوردی خەڵکی پیرانشار بە ناوی "چیا (خدر) ئەحمەدنژاد" تەمەن ٤٢ ساڵ، لەلایەن هێزە نیزامییەکانی حکوومەتەوە بە تەقەی ڕاستەوخۆ و بە سێ فیشەک لە مەودای نزیکەوە کوژرا.

بە وتەی سەرچاوەیەکی ئاگاداری کوردپا؛ هێزە نیزامییەکانی حکوومەت هەتا گوندی "زێوە" بەدوای ئەم کاسبکارە کوردەدا ڕۆیشتوون و دواتر لەوێ بە سێ فیشەک تەقەیان لێ کردووە و تەرمەکەیان بەجێ هێشتووە.

تەرمی ئەم هاووڵاتییە پاش چەند کاتژمێر دۆزراوەتەوە و دوانیوەڕۆی ڕۆژی ٢٩ی خەرمانانی ١٤٠٤، بە خاک سپێردراوە.

تەقەکردن لەم کاسبکارە لەکاتێکدا بووە کە هێچ کاڵایەکی پێ نەبوە و هێزە نزامییەکانی بە گومانی ئەوەی کە شتێکی پێ بێت تەقەیان لێ کردووە.