سزای لەسێدارەدارانی سێ بەندکراوی خەڵکی هەرسین لە بەندیخانەی قزڵحساری کەرەج جێبەجێ کرا

سەرلەبەیانیی ڕۆژی چوارشەممە ٥ی خەرمانانی ١٤٠٤، سزای لەسیدارەدرانی سێ بەندکراوی کورد بە ناوەکانی "حوسێن بیابانی"، "فەرامەرز شەهبازی" و "ماشەڵڵا نیکووفاڵ" خەڵکی شاری هەرسین سەر بە پارێزگای کرماشان لە بەندیخانەی قزڵحساری کەرەج جێبەجێ کرا.

ئەم سێ بەندکراوە لە ماوەی ڕۆژانی ڕابردوودا بۆ جێبەجێکرانی سزای لەسێدارەدانەکەیان ڕەوانەی ژووری تاکەکەسیی بەندیخانەی قزڵحساری کەرەج کرابوون.

ئەم سێ بەندکراوە چەند ساڵ پێش ئێستا بە تۆمەتی پێوەندیدار بە "ماددەی هۆشبەر" دەسبەسەر کران و لەلایەن دەزگای دادوەریی حکوومەتی ئێرانەوە بە لەسێدارەدران سزا دران.

تاکوو ئێستا هەواڵی لەسێدارەدرانی ئەم سێ بەندکراوە کوردە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.