بۆکان؛ دەسبەسەرکرانی ڕەحمان ئەسڵانی لەلایەن هێزە ئەمنییەتییەکانەوە
22:52 - 10 گەلاوێژ 2725
ڕۆژی سێشەممە ٧ی گەلاوێژی ١٤٠٤، هاووڵاتییەکی کورد بە ناوی "ڕەحمان ئەسڵانی" خەڵکی بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییەیان لە ماڵەکەی خۆی دەسبەسەر کردووە.
ئەم سەرچاوە ئاگادارە ڕایگەیاند: هێزە ئەمنییەتییەکان دەستیان بەسەر مۆبایلی ڕەحمان ئەسڵانی و هاوسەرەکەیدا گرتووە.
هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەک لەبەر دەستدا نییە.
