برینداربوونی خالید ئەحمەدیان، کۆڵبەری خەڵکی بانە بە تەقەی هێزە نیزامییەکان و ڕاگواستنی بۆ ناوەندە دەرمانییەکانی تەورێز

ڕۆژی چوارشەممە ١٥ی گەلاوێژی ١٤٠٤، کۆڵبەرێک بە ناوی "خالید ئەحمەدیان" خەڵکی گوندی "سیوچ" سەر بە شاری بانە بە تەقەی هێزە نیزامییەکانی حکوومەت بە سەختی بریندار بوو و بە مەبەستی وەرگرتنی چارەسەی پزیشکی ڕەوانەی نەخۆشخانەیەکی تەورێز کرا.

بە وتەی سەرچاوەیەکی ئاگادار، هێزە نیزامییەکانی حکومەت بە بێ ئاگادارکردنەوەی پێشوو لە سنووری "هەنگەژاڵ"ی بانە تەقەیان لەم کۆڵبەرە کردووە و سمتی بەسەختی بریندار بووە.

ئەم سەرچاوەیە ڕایگەیاند: ئەم کۆڵبەرە بە مەبەستی نەشتەرگەری لە یەکێک لە نەخۆشخانەکانی تەورێزدا خەوێندراوە و دۆخی گشتیشی بە هۆی برینەکانییەوە ناجێگیر ڕاگەیەندراوە.

خالید ئەحمەدیان تەمەنی ٤٥ ساڵە، خێزاندارە و چوار منداڵی هەیە.