بۆکان؛ دەسبەسەرکرانی سەرەڕۆیانەی ئیبراهیم جانەفەرد، بەندکراوی سیاسیی پێشوو و ڕاگواستنی بۆ گرتنگەی ئیتلاعاتی ورمێ
ڕۆژی شەممە ٢١ی پووشپەڕی ١٤٠٤؛ ئیبراهیم جانەفەرد، هاووڵاتیی خەڵکی بۆکان و بەندکراوی سیاسیی پێشوو، لەلایەن هێزە ئەمنییەتییەکانەوە دەسبەسەر کرا و بۆ گرتنگەی ئیتلاعاتی ورمێ ڕاگوێزرا.
بە وتەی سەرچاوەیەکی ئاگاداری کوردپا؛ سەرلەبەیانیی ڕۆژی شەممە ٢١ی پووشپەڕی ١٤٠٤، ئیبراهیم جانەفەرد، هاووڵاتیی خەڵکی گوندی "ڕەحیم خان" سەر بە شاری بۆکان و بەندکراوی سیاسیی پیشوو دوابەدوای هێرشی هێزە ئەمنیەتییەکانی ئیتلاعاتی دەسبەسەر کرا و بۆ گرتنگەی ئیتلاعاتی ورمێ ڕاگوێزرا.
ئەم سەرچاوە ئاگادارە وتی: هێزە ئەمنییەتییەکان بە بێ بەڵگەەی یاسایی ئەم هاووڵاتییەیان دەسبەسەر کردووە و لە کاتی دەسبەسەرکردنیدا بە بێ بەڵگەی یاسایی دەستیان بەسەر مۆبایلەیەکدا گرتووە.
ئیبراهیم جانەفەرد چەند ساڵ پیش ئێستا بە هۆی پەیوەستبوون بە یەکێک لە حیزبە کووردستانییەکان و گەڕانەوە بۆ ئێران دەسبەسەر کرا و بە چوار ساڵ بەندکرانی داسەپاو سزا درا.
هەتا کاتی بڵاوبوونەوەی ئەم هەواڵە سەبارەت بە هۆکاری دەسەسبەرکرانی ئەم هاووڵاتییە زانیارییەک لەبەر دەستدا نییە.
