خۆی؛ دەسبەسەرکرانی توندوتیژانەی ئەمین سەعدوئی لەلایەن هێزە ئەمنییەتییەکانەوە ناڕوونیی چارەنووسی
ڕۆژی سێشەممە ٢٧ی جۆزەردانی ١٤٠٤، هاووڵاتییەکی کورد بە ناوی "ئەمین سەعدوئی" خەڵکی گوندی "تاریمیش" سەر بە ناوچەی کوتولی شاری خۆی، بە شێوەی توندوتیژانە لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، دەیان کەس لە هێزە ئەمنییەتییەکان بە بێ بەڵگەی یاسایی ئەم هاووڵاتییەیان لە ڕێگای گەڕانەوە لە سەڵماس بۆ خۆی لە خاڵی پشکنیندا بە توندوتیژی و جنێودان دەسبەسەر کردووە.
ئەم سەرچاوە ئاگادارە ڕایگەیاند: ئەم هاووڵاتییە کوردە لە کاتی دەسبەسەرکرانیدا لەلایەن هێزە ئەمنییەتییەکانەوە لێی دراوە.
ئەم سەرچاوە ئاگادارە وتیشی: تاکوو ئێستا بەدواداچوونەکانی بنەماڵەی سەعدووئی بۆ ئاگاداربوونەوەی لە چارەنووسی ناوبراو بێ ئاکام بووە و بە هۆی دەسبەسەرکرانی توندوتیژانەی بنەماڵەکەی نیگەرانی دۆخ و گیانی ناوبراون.
ئەمین سەعدوئی تەمەن ٤٣ ساڵ کوڕی فەزییە.
هەتا کاتی بڵاوبوونەوەی ئەم هەواڵە سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە کوردە زانیارییەک لەبەر دەستدا نییە.
