سزای سێدارەی موراد دەلایی میلان لە بەندیخانەی ماکۆ جێبەجێ کرا

سەرلەبەیانیی ڕۆژی دووشەممە ٥ی جۆزەردانی ١٤٠٤، سزای سێدارەی بەندکراوێکی کورد بە ناوی "موراد دەلایی میلان" خەڵکی شاری چاڵدێران لە بەندیخانەی ماکۆ جێبەجێ کرا.

ئەم بەندکراوە پێنج ساڵ پێش ئێستا بە تۆمەتی پێوەندیدار بە تاوانەکانی "ماددەی هۆشبەر" دەسبەسەر کرا و دواتر لەلایەن دەزگای دادوەرییەوە بە لەسێدارەدران سزا درابوو.

تاکوو ئێستا هەواڵی لەسێداردرانی ئەم بەندکراوە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.