مەهاباد؛ ناڕوونیی چارەنووسی تۆفیق ئەمینی سەرەڕای تێپەڕبوونی ١٣ ڕۆژ لە دەسبەسەکرانی سەرەڕۆیانەی
٢ی جۆزەردانی ١٤٠٤؛ سەرەڕای تێپەڕبوونی ١٣ ڕۆژ لە دەسبەسەرکرانی سەرەڕۆیانەی تۆفیق (چیا) ئەمینی، هاووڵاتیی کوردی خەڵكی مەهاباد، سەبارەت بە چارەنووس و شوێنی ڕاگیرانی ناوبراو هیچ زانیارییەک لەبەر دەستدا نییە.
بە وتەی سەرچاوەیەکی ئاگاداری کوردپا؛ ڕۆژی یەکشەممە ٢١ی بانەمەڕی ١٤٠٤، تۆفیق (چیا) ئەمینی، هاووڵاتیی کوردی خەڵکی مەهاباد لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
سەرچاوەی ئاگاداری کوردپا وتی؛ سەرەتا هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی ئەم هاووڵاتییە و سەرەڕای لەماڵەوە نەبوونی ناوبراو لە هەوڵێکی سەروویاساییدا مۆبایلی یەکێک لە ئەندامانی بنەماڵەکەیان شکاندووە و هەر لەو ڕۆژەدا ئەم هاووڵاتییەیان ددەسبەسەر کردووە.
هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکان، تۆمەتە وەپاڵدراوەکان دژی تۆفیق (چیا) ئەمینی و چارەنووسی زانیارییەک لەبەر دەستدا نییە.
