سزای لەسێدارەدانی موشیر عوسمانزادە لە بەندیخانەی ورمێ جێبەجێ کرا

سەرلەبەیانیی ڕۆژی چوارشەممە ٢٤ی بانەمەڕی ١٤٠٤، سزای لەسێدارەدانی بەندکراوێک بە ناوی "موشیر عوسمانزادە" خەڵکی ورمێ کە پێشتر بە تۆمەتی "کوشتنی بەئەنقەست" بە لەسێدارەدران سزا درابوو، لە بەندیخانەی ناوەندیی ورمێ جێبەجێ کرا.

ئەم بەندکراوە سەرلەبەیانیی ڕۆژی دووشەممە ٢٢ی بانەمەڕ بە مەبەستی جێبەجێکرانی سزاکەی، لە بەندی ٤ی بەندیخانەی ناوەندیی ورمێوە ڕەوانەی ژووری تاکەکەسی کرابوو.

ئەم بەندکراوە کوردە چوار ساڵ پێش ئێستا بە تۆمەتی "کوشتنی بەئەنقەست" دەسبەسەر کرابوو و دواتر لەلایەن دەزگای دادوەرییەوە بە لەسێدارەدران سزا درابوو.

موشیر عوسمانزادە کوڕی تاهیر(فەریق) خەڵکی ورمێ بووە.

تاکوو ئێستا هەواڵی لەسێدارەدانی ئەم بەندکراوە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.