سەرکوتی نەورۆزی کوردستان؛ فەرزاد عەبدی لەلایەن هیزە ئەمنییەتییەکانەوە دەسبەسەر کرا
00:36 - 16 خاکەلێوه 2725
ئێوارەی ڕۆژی چوارشەممە ١٣ی خاکەلێوەی ١٤٠٤، فەرزاد عەبدی، هاووڵاتیی خەڵکی شاری پەهلەی ناوەندی بەشی زەرین ئابادی سەر بە شاری دێهلوڕان لەلایەن هێزە ئەمنییەتییەکانەوە دەسبەسەر کرا.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم هاووڵاتییەیان دەسبەسەر کردووە و لە کاتی دەسبەسەرکردندا لێیان داوە.
ئەم سەرچاوە ئاگادارە ڕایگەیاند: ئەم هاووڵاتییە بە هۆی لێدانەکەوە دەستی بریندار بووە.
ئەم سەرچاوەیە وتیشی: دەسبەسەرکرانی فرزاد عەبدی پاش بەڕێوەچوونی ڕێوڕەسمی نەورۆزی پەهلە بووە.
هەتا کاتی بڵاوبوونەوەی ئەم هەواڵە سەبارەت بە چارەنووس و تۆمەتە وەپاڵدراوەکان دژی فەرزاد عەبدی زانیارییەک دەست نەکەوتووە.
