حوکمی لە سێدارەدانی بێهروز سەفەری لە زیندانی کرماشان جێبەجێ کرا
02:56 - 9 رەشەمه 2724
سەرلەبەیانی چوارشەممە ٨ی ڕەشەممەی ۱٤۰۳، حوکمی لە سێدارەدانی زیندانییەک بە ناوی "بێهروز سەفەری" خەڵکی گوندی "قەڵازنجیر" سەر بە شاری داڵاهۆ لە زیندانی دێزڵاوای کرماشان، جێبەجێ کرا.
ئەو زیندانییە چوار ساڵ پێش بە تۆمەتی"کوشتنی بە ئەنقەست"دەسبەسەر و دواتر لە لایەن دەزگای قەزاییەوە، بە ئیعدام مەحکووم کرابوو.
بێهروز سەفەری قەلعەزەنجیری، تەمەن ۳٤ ساڵە، لە پەیرەوانی ئایینی یارسانییە.
تاکوو ئێستا هەواڵی لەسێدارەدرانی ئەم زیندانییە لەلایەن ناوەندە فەرمییەکان و میدیا نێوخۆییەکانی ئێرانەوە ڕانەگەیەندراوە.
