نەریمان ڕەندانی، چالاکی مەدەنی بە دانانی بارمتە ئازاد کرا
ڕۆژی سێشەممە ۷ی ڕەشەممەی ۱٤۰۳، نەریمان ڕەندانی، چالاکی مەدەنیی خەڵکی شاری سەقز، بە دانانی بارمتەی ٦۰۰ میلیون تمەنی، به شێوەی کاتیی لە زیندانی ئەو شاره ئازاد کرا.
بەوتەی سەرچاوەیەکی ئاگادار، ئەو چالاکە مەدەنییە پاش تەواوبوونی ماوەی لێپرسینەوەکەی، ڵە یەکێک لە گرتنگە ئەمنییەتییەکانی سنە، بۆ زیندانی سەقز ڕاگوێزرابوو.
نەریمان ڕەندانی لە بواری هونەر و مۆسیقادا چالاکیی هەیە و دەسبەرکردنی لە پەیوەندیی لەگەڵ مانگرتنی گشتی دژی سزای لەسێدارەدان بووە.
ڕۆژی چوارشەممە ٣ی ڕێبەندانی ١٤٠٣، دوابەدوای بانگەوازی حیزبە کوردستانییەکان دژی سزای سێدارە لە زۆربەی شارەکانی کوردستان لەوانە سنە، مەهاباد، سەقز، دیواندەرە، مەریوان و ... مانگرتنی بەرینی کاسبکار و بازاڕییان بەڕێوە چوو کە شێوازی جیاوازی سەرکوت لەوانە بانگکردن، دەسبەسەرکردن و گوشار بۆ سەر بازاڕییانی بەدواوە بووە.
