بەردەوامیی دەسبەسەرکرانی بەهمەن فەیزی لە یەکێک لە گرتنگە ئەمنییەتییەکانی سنە

بەهمەن فەیزی، هاووڵاتیی خەڵکی سەقز، لە یەکێک لە گرتنگە ئەمنییەتییەکانی سنە ڕاگیراوە.

بە وتەی سەرچاوەیەکی ئاگادار، ئەم هاووڵاتییە لە ماوەی دەسبەسەرکرانیدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.

ئەم هاووڵاتییە کوردە ڕۆژی چوارشەممە ١٠ی ڕێبەندان ١٤٠٣، بە بێ بەڵگەی یاسایی لە شاری سەقز و لەلایەن هێزە ئەمنییەتییەکانەوە دەسبەسەر کرابوو.

هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی بەهمەن فەیزی زانیارییەک دەست نەکەوتووە.