سەقز؛ هیوا فەیزی پاش ٥٥ ڕۆژ دەسبەسەرکرانی کاتی بە دانانی بارمتە و بە شێوەی کاتی ئازاد کرا
ڕۆژی شەممە ٦ی ڕێبەندانی ١٤٠٣، هیوا فەیزی، هاووڵاتیی کوردی خەڵکی گوندی "مەولان ئاوا"ی سەقز پاش ٥٥ ڕۆژ دەسبەسەرکران و بە شێوەی کاتی و بە دانانی بارمتەی ٥٠٠ میلیۆن تمەنی لە بەندیخانەی سەقز ئازاد کرا.
هیوا فەیزی لە ماوەی دەسبەسەرکرانیدا لە گرتنگەی شارامفەری سنە بە بێ مافی چاوپێکەوتن و دەستپێڕاگەیشتن بە پارێزەر لەژێر لێپرسینەوەدا بووە.
ڕۆژی دووشەممە ١٢ی سەرماوەزی ١٤٠٣،ئەم هاووڵاتییە لەگەڵ "حوسێن فیرووزی"، لەلایەن هێزە ئەمنییەتییەکانەوە دەسبەسەر کران.
هێزە ئەمنییەتییەکان بە بێ بەڵگەی یاسایی هیوا فەیزییان لە کاتی ڕۆیشتن بۆ شاری سەقز دەسبەسەر کردووە و پاش دەسبەسەرکردنی هیوا فەیزی، هێزە ئەمنییەتییەکان بە بێ بەڵگەی یاسایی هێرشیان کرووەتە سەر ماڵی حوسێن فیرووزی لە گوندی "مەولان ئاوا" و پاش پشکنینی ماڵەکەی، ناوبراویشیان دەسبەسەر کرد.
هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدروەکان دژی ئەم دوو هاووڵاتییە زانیارییەک دەست نەکەوتووە.
