بەیاننامەی هاوبەشی ڕێکخراوە مافی مرۆییەکان بۆ مەحکوومکردنی دەسبەسەرکرانەکانی ئەم دواییانە لە هەرێمی ئەهواز (خووزستان)
ئێمە ڕێکخراوەکانی واژۆکەر، نیگەرانیی قووڵی خۆمان لەمەڕ شەپۆلی بەربڵاوی دەسبەسەرکرانەکانی ئەم دوواییانە لە هەرێمی ئەهواز(خووزستان) ڕادەگەیەنین. لە ڕۆژانی ڕابردوودا، دەیان کەس لە چالاکانی مەدەنی، شاعێران و بەکارهێنەرانی تۆڕە کۆمەڵایەتییەکان بە شێوەی سەرەڕۆیانە و بە بێ ڕەچاوکردنی ڕەوتی دادڕەسیی دادپوەروەرانە دەسبەسەر کراون.
ئەم هەوڵە هاوکات بووە کە لەگەڵ هێرشی توندوتیژانە بۆ سەر ماڵەکان، هەڕەشە لە بنەماڵەکان و دەستداگرتن بەسەر کەلوپەلە کەسییەکانیاندا. ڕاگواستنی دەسبەسەرکراوان بۆ شوێنی نادیار و دەسپێڕانەگەیشتن بە زانیاری سەبارەت بە دۆخیان، مەترسیی ئەشکەنجە و هەڵسوکەوتی خراپ زۆرتر دەکاتەوە. ئەم سەرکوتانە، پێشێلکردنی ئاشکرای مافی مرۆڤ و ڕێککەوتنە نێونەتەوەییەکان لەلایەن کۆماری ئیسلامییە کە ئازادیی ڕادەربڕین، مافی کۆبوونەوەی هێمنانە و بەهرەمەندبوون لە دادڕەسیی دادپەروەرانە گەرەنتی دەکات.
دەسبەسەرکرانەکانی ئەم دوواییانە بەشێک لە سیاسەتی سەرکۆتکارانەیە کە بە ئامانجی لاوازکردنی شوناسی فەرهەنگی، کۆمەڵایەتی و سیاسیی خەڵكی عەرەبی هەرێمی ئەهواز(خووزستان) پەیڕەو دەکرێت و مافی بنەڕەتیی ئەوان بە شێوەی سیستماتیک پێشێل دەکات.
داوا لە ناوەندە مافی مرۆییەکان و کۆمەڵگەی نێودەوڵەتی دەکەین کە دەسبەجێ کارێک بکات و خوازیاری ئازادیی خێرا و بێمەرجی دەسبەسەرکراوان بێت. ئێمە داوا لە میدیاکان و چالاکانی مافی مرۆڤ دەکەین کە ئەم هەوڵە نامرۆڤانەیە بە دێکۆمێنت بکەن و بیروڕای گشتیی جیهان سەبارەت بەم قەیرانە وشیار بکەنەوە. گەیاندنی زانیاریی ورد و بەردەوام دەتوانێ یارمەتیدەری ئاشکرابوونی ئەم پیشێلکارییانە و کۆتاییهێنان بە سیاسەتە سەرکوتکارانەکان بێت.
واژۆکەران:
۱ - بونیادی عەبدلڕەحمان بروومەند
٢- ڕێکخراوی مافی مرۆڤی ئەهواز
٣- ئەنجومەنی بەرگری لە مافی مرۆڤی ئازەربایجانییەکان لە ئێران
٤- هەموو مافی مرۆڤ بۆ هەمووان لە ئێران
٥- گرووپی مافی مرۆڤی بەلووچستان
٦-کانوونی بەرگریکارانی مافی مرۆڤ
٧-کەمپەینی چالاکانی بەلووچ
٨- پێکەوە دژی سزای لەسێدارەدان
٩- تۆڕی مافی مرۆڤی کوردستان
١٠ کۆمەڵەی مافی مرۆڤی کوردستان – ژنێڤ
١١- ڕێکخراوی مافی مرۆیی کوردپا
١٢ ئەنجومەنی قەڵەمی ئەمریکا (پێن)
١٣- بونیادی سیامەک پوورزەند
١٤- یەکگرتوویی بۆ ئێران
