بەردەوامیی دەسبەسەرکران و ناڕوونیی چارەنووسی عوسمان حەبیبوڵڵاهی
سەرەڕای تێپەڕبوونی ١٠ ڕۆژ لە کاتی دەسبەسەرکرانی عوسمان حەبیبوڵڵاهی، هاووڵاتیی خەڵکی گوندی "میراوێ" سەر بە شاری شنۆ، سەبارەت بە چارەنووس و شوێنی ڕاگیرانی ناوبراو زانیارییەک لەبەر دەستدا نییە.
بە وتەی سەرچاوەیەکەی ئاگادار، عوسمان حەبیبوڵلاهی لە ماوەی دەسبەسەرکرانیدا لە دەسپێڕاگەیشتن بە پارێزەر، پێوەندیی تلفۆنی و چاوپێکەوتن لەگەڵ بنەماڵە بێبەری بووە.
ئەم سەرچاوە ڕایگەیاند: بەدەواداچوونی بنەماڵەی ئەم هاووڵاتییە کوردە بە مەبەستی ئاگاداربوونەوە لە چارەنووس و شوێنی ڕاگیرانی ناوبراو بێ ئاکام بووە.
ڕۆژی سێشەممە ١٧ی ڕەزبەری ١٤٠٣، ئەم هاووڵاتییە بە بێ بەڵگەی یاسایی لە ماڵەکەی خۆیدا، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
عوسمان حەبیبوڵڵا تەمەنی ٣٣ ساڵە و ناوی باوکی ڕەحیمە.
تاکوو ئێستا سەبارەت بە هۆکاری دەسبەسەرکران و تۆمەتە وەپاڵدراوەکان دژی عوسمان حەبیبوڵڵاهی زانیارییەکی ورد لەبەر دەستدا نییە.
