ئیسماعیل مەعرووفی، مامۆستای خانەنیشینکراوی قوتابخانەکانی پیرانشار لەلایەن هێزە ئەمنیەتییەکانەوە دەسبەسەر کرا
01:30 - 22 پووشپەڕ 2724
![](/content/upload/1/news-kurdpa/6567.jpeg)
شەوی سێشەممە ١٩ی پووشپەڕی ١٤٠٣، ئیسماعیل مەعرووفی، مامۆستای خانەنشینکراوی قوتابخانەکانی پیرانشار دوابەدوای هێرشی هێزە ئەمنییەتییەکان بۆ سەر ماڵەکەی و بێڕێزی دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگاداری کوردپا، هێزەکانی ئیتلاعاتی پیرانشار کاتژمێر ١١ی شەو هێرشیان کردووەتە سەر ماڵی ئیسماعیل مەعرووفی و پاش پشکنینی ماڵەکەی و دەستداگرتن بە سەر مۆبایلەکەیدا ئەم مامۆستا خانەنشینکراوەیان بە بێڕێزییەوە دەسبەسەر کردووە.
هەتا ئێستا لە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەکی ورد لەبەر دەستدا نییە.
پێویستە بگوترێ کە ئیسماعیل مەعرووفی، زیاتر لە ٣٠ ساڵ پێشینەی مامۆستایەتیی لە قوتابخانەی شار و گوندەکانی پیرانشاردا هەیە.