میاندواو؛ بانگکران و دەسبەسەرکردنی دوو هاووڵاتی لەلایەن ئیتلاعاتی سپاوە

ڕۆژی چوارشەممە ٢٩ی خاکەلێوەی ١٤٠٣، دوو هاووڵاتیی کورد بە ناوەکانی "موحسن قادر ڕەش" تەمەن ٣٠ ساڵ و کوڕی خدر و "ئومید قادرنژاد" تەمەن ٢٨ ساڵ و کوڕی مەحموود، خەڵکی گوندی "حاجی حەسەنی شامات'' سەر بە میاندواو، پاش بانگکران بۆ ئیتلاعاتی سپای ئەم شارە دەسبەسەر کران.

بە وتەی سەرچاوەیەکی ئاگاداری کوردپا، بانگکران و دەسبەسەرکرانی ئەم دوو هاووڵاتییە لەلایەن ئیتلاعاتی سپاوە بە هۆی بەشداریکردنیان لە ڕێوڕەسمەکانی نەورۆزدا بووە.

ئەم دوو هاووڵاتییە کوردە پاش دەسبەسەرکران ڕەوانەی بەندیخانەی ناوەندیی میاندواو کراون.

وێنە لە ڕاستەوە بۆ چەپ: موحسن قادر ڕەش و ئومید قادرنژاد