شنۆ؛ دەسبەسەرکرانی شەهرام شاهی و فەخرەدین ئەحمەدی لەلایەن هێزەکانی ئەمنییەتییەکانەوە
20:40 - 28 رەشەمه 2723
بەپێی ئەو زانیارییەی کە بە کوردپا گەیشتوون، شەوی یەکشەممە، ٢٧ی ڕەشەمەی ١٤٠٢، دوو لاوی کوردی خەڵکی شنۆ بە ناوەکانی "شەهرام شاهی"، کوڕی شەفیع و خەڵکی گەڕەکی "میراوێ"ی شنۆ و هەروەها "فەخرەدین ئەحمەدی"، کوڕی عەزیز، خەڵکی گەڕەکی "تاچیناوێ"ی شنۆ لەلایەن هێزە ئەمنییەتییەکانی سپاوە دەسبەسەر کرا.
بە وتەی سەرچاوەیەکی ئاگاداری کوردپا، ئەم کەسانە پاش دەسبەسەرکران بۆ شوێنێکی نادیار ڕاگوێزران و تاکوو ئێستا سەبارەت بە چارەنووسیان زانیارییەک لەبەر دەستدا نییە.
تا کاتی بڵاوبوونەوەی ئەم هەواڵە لە هۆکاری دەسبەسەرکران و تۆمەتە وەپاڵدراوەکان دژی ئەم دوو هاووڵاتییە زانیارییەک لەبەر دەستدا نییە.
