برینداربوونی چوار کۆڵبەر بە تەقەی هێزە نیزامییەکانی حکوومەت لە سنووری بانە

شەوی یەکشەممە، ١٥ی ڕێبەندان، چوار کۆڵبەری کورد بە ناوەکانی "عەلی ئەبووبەکری"، تەمەن ٣٠ ساڵ، "خالق ئەبووبەکری"، تەمەن ٣٧ ساڵ، "ناسر بەری"، تەمەن ٤٣ ساڵ و "هێمن (پاشناو ناڕوون)"، خەڵکی بانە، بە تەقەی هێزە نیزامییەکانی حکوومەت لە سنووری ئەم شارە بریندار کران.

هێزە نیزامییەکانی حکوومەت بە بێ ئاگادارکردنەوەی پێشوو و لە مەودای نزیکەوە بە چەکی ساچمەزەن، تەقەیان لەم کۆڵبەرانە کردووە.

ئەم کۆڵبەرانە هیچ بارێکیان پێ نەبووە و بە هۆی بەرکەوتنی دەیان ساچمە، ڕان و لاقیان بەسەختی بریندار بووە.