بۆکان؛ دەسبەسەرکرانی دوو هاووڵاتیی کورد لەلایەن هێزە ئەمنییەتییەکانەوە
04:31 - 29 بەفرانبار 2723
سەرلەبەیانیی ڕۆژی پێنجشەممە، ٢٨ی بەفرانبار، دوو هاووڵاتیی کورد بە ناوەکانی "ناسر عەلیپوور" خەڵکی گوندی "داشبەند" سەر بە شاری بۆکان و "ڕێبوار کووهگەرد" خەڵکی بۆکان، لەلایەن هێزە ئەمنییەتییەکانەوە دەسبەسەر کران.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم دوو هاووڵاتییەیان دەسبەسەر کردوون.
ئەم سەرچاوە ئاگادارە ڕایگەیاند: ئەم دوو هاووڵاتییە کوردە بە مەبەستی لێپرسینەوە ڕەوانەی گرتنگەی ئیتلاعاتی بۆکان کراون.
تا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم دوو هاووڵاتییە، زانیارییەک دەست نەکەوتووە.
وێنە: ڕێبوار کووهگەرد
