نەغەدە؛ دەسبەسەرکرانی دوو هاووڵاتی لەلایەن هێزە ئەمنییەتییەکانەوە
سەرلەبەیانیی ڕۆژی چوارشەممە، ٢٧ی بەفرانبار، دوو هاووڵاتی بە ناوەکانی "خەلیل ڕەسووڵزادە"، تەمەن ٣٦ ساڵ و خەڵکی گوندی "شاوەلە"، سەر بە شاری نەغەدە و "عەزیز حاڵخاڵی"، کوڕی قارەمان و دانیشتووی نەغەدە، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
بە وتەی سەرچاوەیەکی ئاگاداری کوردپا، هێزە ئەمنییەتییەکان کاتژمێر ٤ی سەرلەبەیانیی چوارشەممە، بە بێ بەڵگەی یاسایی هێرشیان کردووەتە سەر ماڵی خەلیل ڕەسووڵزادە و دەسبەسەریان کردووە.
ئەم سەرچاوە ئاگادارە ڕایگەیاند: سەرلەبەیانیی ڕۆژی چوارشەممە، هێزە ئەمنییەتییەکان بە بێ بەڵگەی یاسایی، هێرشیان کردووەتە سەر ماڵی عەزیز حاڵخاڵی و ناوبراویان دەسبەسەر کردووە.
عەزیزی حاڵخاڵی خێزاندا و باوکی دوو منداڵە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی ئەم دوو هاووڵاتییە کوردە، زانیارییەک لەبەر دەستدا نییە.
وێنە لە ڕاستەوە بۆ چەپ: خەلیل ڕەسووڵزادە و عەزیز حاڵخاڵی
