مەهاباد؛ دەسبەسەرکرانی ڕەحیم عەبدوڵڵاهی لەلایەن هێزە ئەمنییەتییەکانەوە
17:00 - 21 بەفرانبار 2723
ڕۆژی دووشەممە، ١٨ی بەفرانبار، هاووڵاتییەکی کورد بە ناوی "ڕەحیم عەبدوڵڵاهی"، تەمەن ٣٢ ساڵ و کوڕی محەممەد، خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگاداری کوردپا، هێزە ئەمنییەتییەکان بە بێ بەڵگەی یاسایی ئەم هاووڵاتییەیان لە شوێنی کارەکەی دەسبەسەر کردووە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی ڕەحیم عەبدوڵڵاهی زانیارییەک لەبەر دەستدا نییە.
