موسەیب فەتاح بەیگی بە مەبەستی جێبەجێکرانی حوکمەکەی ڕەوانەی زیندانی ئیلام کرا
16:50 - 14 بەفرانبار 2723
ڕۆژی چوارشەممە، ١٣ی بەفرانبار، هاووڵاتییەکی کورد بە ناوی "موسەیب فەتاح بەیگی"، خەڵکی ئیلام، پاش بانگهێشتگران بۆ لقی ٣ی جێبەجێکاری سزاکانی دادسەرای گشتی و ئینقلابی ئەم شارە دەسبەسەر و بە مەبەستی جێبەجێکرانی حوکمەکەی، ڕەوانەی زیندانی ئیلام کرا.
ئەم هاووڵاتییە کوردە پێشتر بە تۆمەتی "بەشداری لە ناڕەزایەتییەکانی ژن، ژیان، ئازادی"، لەلایەن دادگای ئینقلابی ئیلامەوە بە دوو ساڵ و ٦ مانگ زیندانی تەعزیری مەحکووم کرابوو.
موسەیب فەتاح بەیگی، سەرماوەزی ١٤٠١، لە ڕەوتی بزووتنەوەی ژن، ژیان، ئازادیدا دەسبەسەر و پاش چەند مانگ لێپرسینەوە بە دانانی بارمتە و بە شێوەی کاتی لە زیندانی ئیلام ئازاد کرابوو.
ئەم هاووڵاتییە لەدایکبووی ٩ی بەفرانباری ١٣٦٤ە.
