سنە؛ بانگهێشتکرانی هاووڵاتییەکی کورد بۆ ئیتلاعاتی سپای پاسداران
09:52 - 26 سەرماوەز 2723
ڕۆژی یەکشەممە، ١٩ی سەرماوەز، هاووڵاتییەکی کورد بە ناوی "ئەیووب غوڵامی"، خەڵکی سنە، بانگهێشتی ئیتلاعاتی سپای ئەم شارە کراوە و لێپرسینەوەی لێ کراوە.
بە وتەی سەرچاوەیەکی ئاگادار، ئەم هاووڵاتییە بە هۆی چالاکی لە دنیای مەجازیدا، بانگهێشتی ئیتلاعاتی سپا کراوە.
ئەم سەرچاوە ئاگادارە ڕایگەیاند: هێزە ئەمنییەتییەکان هەڕەشەیان لەم هاووڵاتییە کردووە کە لە ئەگەری بەردەوامبوون لە چالاکییەکانی دژی حکوومەتی ئیران، سزای یاسایی بەسەردا دەسەپێنن.
ئەیووب غوڵامی پاش چەند کاتژمێر لێپرسینەوە لەلایەن هێزە ئەمنییەتییەکانەوە ئازاد کراوە.
