کۆڵبەرێک بە تەقەی هێزە نیزامییەکانی حکوومەت لە سنووری پاوە بریندار کرا
18:40 - 18 سەرماوەز 2723
لە ماوەی رۆژانی رابردوودا، کۆلبەرێک بە ناوی “کەیهان ئەمینی“ خەڵکی پاوە، بە تەقەی هێزە نیزامییەکانی حکوومەت لە سنووری ئەم شارە بریندار کرا .
بە وتەی سەرچاوەیەکی ئاگاداری کوردپا، هێزە نیزامییەکانی حکوومەت بە بێ ئاگادارکردنەوەی پێشوو، تەقەیان لەم کۆڵبەرە کردووە و قاچیان بریندار کردووە .
ئەم کۆڵبەرە بە مەبەستی وەرگرتنی چارەسەری پزیشکی، رەوانەی نەخۆشخانەی قودس لە پاوە کراوە.
هەر لەو پێوەندییەدا شەوی هەینی ١٧ی سەرماوەز، دوو کۆڵبەر بە ناوەکانی “فەرهاد سلێمانی” و “حەمزە سلێمانی“ خەڵکی جوانڕۆ، بە تەقەی هێزە نیزامییەکانی حکوومەت لە سنوری نەوسوود بریندار کران.
