هێرشی هێزە ئەمنییەتییەکان بۆ سەر ماڵی دوو هاووڵاتیی کوردی خەڵکی مەریوان بە مەبەستی دەسبەسەرکردنیان
ڕۆژی دووشەممە، ٢٩ی خەزەڵوەری ١٤٠٢، هێزە ئەمنییەتییەکان لە گوندی "لەنجاوا"ی مەریوان، بە مەبەستی دەسبەسەرکردن، هێرشیان کردە سەر ماڵی دوو هاووڵاتی بە ناوەکانی "ئاراس فەرەجی" و "کاوە فەرەجی".
بە وتەی سەرچاوەیەکی ئاگاداری کوردپا، هێزە ئەمنییەتییەکان پاش ئەوەی کە نەیانتوانی ئەم دوو هاووڵاتییە دەسبەسەر بکەن، دەستیان بە پشکنینی ماڵەکانیان و لێپرسینەوە لە بنەماڵەکانیان کردووە و دەستیان بەسەر کەرەستەی تاکەکەسییاندا گرتووە.
کاوە فەرەجی، لە زیندانییانی سیاسیی پێشووە کە لە ساڵی ١٣٩٠دا دەسبەسەر و پاش چەندین مانگ دەسبەسەرکران و ئەشکەنجە لە ژووری تاکەکەسیدا بە تۆمەتی "هاوکاری لەگەڵ یەکێک لە حیزبە کوردستانییەکانی ئۆپۆزسیۆنی حکوومەتی ئێران"، بە ٥ ساڵ زیندان مەحکووم کرا. ناوبراو ڕۆژی ٥ی بانەمەڕی ١٣٩٥، لەگەڵ تەواوبوونی ماوەی حوکمەکەی لە زیندانی ئازاد کرا.
ئاراس فەرەجی و کاوە فەرەجی، ئامۆزای یەکترن.
وێنە لە راستەوە بۆ چەپ: کاوە و ئاراس فەرەجی
