برینداربوونی کۆڵبەرێک لە ناوچە سنوورییەکانی پاوە

لە ماوەی ڕۆژانی ڕابردوودا، کۆڵبەرێک بە ناوی "بێهرووز مورادی"، خەڵکی سەلاسی باوەجانی بە تەقەی هێزە نیزامییەکانی حکوومەت لە سنووری پاوە بریندار بوو.

هێزە نیزامییەکانی حکوومەتی بە بێ ئاگادارکردنەوە و هۆشداریدانی پێشوو، تەقەیان لەم کۆڵبەرە کردووە.

ئەم کۆڵبەرە لەم ڕووداوەدا پشتی بەتوندی بریندار بووە و بەرکەوتنی فیشەکەکە بووەتە هۆۆی ئەوەی کە بەشی دڵ و سییەکانیشی تووشی کیشە بن.

ئەم کۆڵبەرە لە نەخۆشخانەیەکی کرماشاندا نەشتەرگەریی بۆ کراوە و لە بەشی چاوەدێریی تایبەتدا خەوێندراوە.