کۆڵبەرێکی خەڵکی بۆکان بە تەقەی هێزە نیزامییەکانی حکوومەت لە سنووری بانە، بریندار بوو
10:45 - 24 رەزبەر 2723
ڕۆژی یەکشەممە، ٢٣ی ڕەزبەر، کۆڵبەرێک بە ناوی "کەماڵ ئەشتەری"، خەڵکی بۆکان، بە تەقەی هێزە نیزامییەکانی حکوومەت لە سنووری "هەنگەژاڵ"ی بانە، بریندار بوو.
هێزە نیزامییەکانی حکوومەت بە بێ ئاگادارکردنەوە و هۆشداریدانی پێشوو، تەقەیان لەم کۆڵبەرە کردووە کە لە ئاکامدا لاقی بەتوندی بریندار بووە.
ئەم کۆڵبەرە بە مەبەستی وەرگرتنی چارەسەری پزیشکی سەرەتا ڕەوانەی نەخۆشخانەی سەلاحەدینی ئەیووبیی بانە کراوە و دواتر بە هۆی قورسیی برینەکانییەوە، نێردراوەتە نەخۆشخانەیەکی تەوریز.
