حوکمی لەسێدارەدرانی زیندانییەکی کورد لە زیندانی لاکانی ڕەشت جێبەجێ کرا
01:00 - 21 رەزبەر 2723
سەرلەبەیانیی ڕۆژی پێنجشەممە، ٢٠ی ڕەزبەر، زیندانییەک بە ناوی "حوسێن محەممەدی"، تەمەن ٥٢ ساڵ و خەڵکی بۆکان، لە زیندانی لاکانی ڕەشت، لە سێدارە درا.
یەکێک لە کەسە نزیکەکانی ئەم زیندانییە، بە کوردپای وت: ئەم زیندانییە نزیک ١٥ ساڵ پێش بە تۆمەتی پێوەندیدار بە ماددەی هۆشبەر لە ڕەشت دەسبەسەر و لەلایەن ناوەندە دادوەرییەکانەوە بە لەسێدارەدران مەحکووم کرابوو.
ئەم سەرچاوە ئاگادارە ڕایگەیاند: تەرمی ئەم زیندانییە بۆ بۆکان ڕاگوێزراوە.
حوسێن محەممەدی خەڵکی گوندی "تەکان تەپە"ی بۆکان، خێزاندار بووە و دوو منداڵی هەیە.
