سەقز؛ شەهلا چووپانی بە سێ مانگ زیندانی تەعزیری و سزای نەختی مەحکووم کرا
هاووڵاتییەکی کورد بە ناوی شەهلا چووپانی، تەمەن ٣٥ ساڵ و کچی محەممەد، خەڵکی سەقز، لەلایەن دادگای ئینقلابی ئەم شارەوە بە سێ مانگ زیندانی تەعزیری و سزای نەختی مەحکووم کرا.
بە وتەی سەرچاوەیەکی ئاگادار، دادگا ئەم هاووڵاتییەی بە تۆمەتی "هاوکاری لەگەڵ یەکێک لە حیزبە کوردییەکانی ئۆپۆزسیۆنی حکوومەتی ئێران" بە سێ مانگ زیندانی تەعزیری و ٢٠ میلیۆن سزای نەختی مەحکووم کردووە.
ڕۆژی سێشەممە، ٦ی پووشپەڕ، کاتژمێر ٩ی بەیانی، هێزە ئەمنییەتییەکان بە بێ بەڵگەی یاسایی، هێرشیان کردووەتە سەر ماڵی باوکی ئەم هاووڵاتییە لە شارەکی قەوەخ و ناوبراویان دەسبەسەر کردووە.
شەهلا چووپانی بە مەبەستی لێپرسینەوە ڕەوانەی گرتنگەی ئیدارەی ئیتلاعاتی سنە کرابوو و دواتریش بە دانانی بارمتە، بە شێوەی اتی ئازاد کرابوو.
ئەم هاووڵاتییە کوردە، لە ماوەی دەسبەسەرکرانیدا لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
شەهلا چووپانی لە کارگایەکی قاڵیبافیدا کاری کردووە.
