دێولان؛ دەسبەسەرکرانی ئومید نیازی، برای موحسن نیازی لە گیانلەدەستداوانی بزووتنەوەی ژن، ژیان، ئازادی

ڕۆژی پێنجشەممە، ٢٣ی خەرمانان، ئومید نیازی، برای موحسن نیازی، لە گیانلەدەستداوانی بزووتنەوەی ژن، ژیان، ئازدی لە دێولان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرچاوەیەکی ئاگادار، کاتژمێر ٢ی دوانیوەڕۆ، ئومید نیازی بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر کرا.

تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی ئومید نیازی، زانیارییەک لەبەر دەستدا نییە.

موحسن نیازی، خۆپیشاندەری خەڵکی دێولان، ڕۆژی ٢٩ی خەزەڵوەری ١٤٠١، لە مەودای نزیکەوە بە فیشەکی هێزە ئەمنییەتی_سەرکوتکەرەکان گیانی لەدەست دا.