بۆکان؛ دەسبەسەرکرانی سێ هاووڵاتی لەلایەن هێزە ئەمنییەتییەکانەوە
16:43 - 21 خەرمانان 2723
ڕۆژی یەکشەممە ١٩ی خەرمانان، سێ هاووڵاتیی کورد بە ناوەکانی "ئەحمەد موعەزز"، "ئومید تووتی" و "قادر فەتحوڵڵاهی" خەڵکی شاری بۆکان، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
بە وتەی سەرچاوەیەکی ئاگادار، هێزە ئەمنییەتییەکان بەبێ بەڵگەی یاسایی ئەو سێ هاووڵاتییە کوردەیان دەسبەسەر کردوون.
ئەو سەرچاوەیە دەڵێت: هەتا ئێستا بەدواداچوونی بنەماڵەی ئەو سێ هاووڵاتییە بۆ ئاگاداربوون لە چارەنووسی دەسبەسەرکراوەکان، بێئاکام ماوەتەوە.
هەتا کاتی بڵابوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی ئەو سێ هاووڵاتییە زانیارییەک، دەست نەکەوتووە.
وێنە لە ڕاستەوە بۆ چەپ: ئومید تووتی، ئەحمەد موعەزز و قادر فەتحوڵڵاهی
