سەقز؛ وەرزشوانێکی کورد لەلایەن هێزە ئەمنییەتییەکانەوە دەسبەسەر کرا
13:58 - 21 خەرمانان 2723
شەوی دووشەممە، ٢٠ی خەرمانان، تاهیر سوڵتانی، وەرزشوانی سەبکی کیک بۆکسینگ و خەڵکی شاری سەقز، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان هێرشیان کردووەتە سەر شوێنی کاری ئەم وەرزشوانە و بە توندوتیژییەوە دەسبەسەریان کردووە.
تاهیر سوڵتانی، لە کێبڕکییەکانی ئاستی پارێزگاکان و ئێراندا لە وەرزشی کیک بۆکسینگ چەند دانە میداڵی بە دەست هێناوە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی تاهیر سوڵتانی زانیارییەک لەبەر دەستدا نییە.
