سەقز؛ دەسبەسەرکرانی شێرکۆ حیجازی، چالاکی مەدەنی لەلایەن هێزە ئەمنییەتییەکانەوە
23:13 - 20 خەرمانان 2723
ڕۆژی دووشەممە، ٢٠ی خەرمانان، شێرکۆ حیجازی، چالاکی مەدەنی و بەرپرسی لێژنەی فووتباڵی سەقز، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنیەتییەکان بە بێ بەڵگەی یاسایی و لە ڕێگەی توندوتیژییەوە ئەم چالاکە مەدەنییەیان لە یەكێک لە شەقامەکانی نزیک بە شوێنی کارەکەی خۆی دەسبەسەر کردووە.
تا کاتی بڵاوکردنەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی شێرکۆ حیجازی لەبەر دەستدا نییە.
