فەرزاد مەحموودپوور بە دانانی بارمتە لە زیندانی ورمێ ئازاد کرا
21:35 - 3 خەرمانان 2723
ڕۆژی پێنجشەممە، ٢ی خەرمانان، فەرزاد مەحموودپوور، هاووڵاتیی خەڵکی شنۆ، پاش ١١ مانگ دەسبەسەرکرانی کاتی، بە دانانی بارمتەی ٢ میلیارد تمەنی لە زیندانی ورمێ ئازاد کرا.
ئەم هاووڵاتییە لە کاتی لێپرسینەوەدا لە گرتنگە، بە مەبەستی وەرگرتنی دانپێدانانی زۆرەملێ، ئەشکەنجە درابوو.
ئەم هاووڵاتییە ڕەزبەری ساڵی ١٤٠١، لەلایەن هێزە ئەمنییەتییەکانەوە دەسبەسەر و پاش کۆتاییهاتنی لێپرسینەوەکەی لە یەکێک لە گرتنگە ئەمنییەتییەکانەوە بۆ زیندانی ورمێ ڕاگوێزرابوو.
فەرزاد مەحموودپوور، کوڕی عەلی، تەمەنی ٢٢ ساڵە و خەڵکی ئەمیرئابادی شنۆیە.
