مەهاباد؛ دەسبەسەرکرانی لاوێکی کورد لەلایەن هیزە ئەمنییەتییەکانەوە
16:41 - 25 گەلاوێژ 2723
ڕۆژی سێشەممە، ٢٤ی گەلاوێژ، لاوێکی کورد بە ناوی "هیوا شەباهەنگ"، خەڵکی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی ئەم لاوە کوردەیان دەسبەسەر کردووە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی هیوا شەباهەنگ، زانیارییەک لەبەر دەسدا نییە.
