سنە؛ بەیان فەرەجوڵڵاهی بە دانانی بارمتە ئازاد کرا
00:41 - 6 خەرمانان 2723
ڕۆژی شەممە، ٤ی خەرمانان، بەیان فەرەجوڵڵاهی، هاووڵاتیی خەڵکی سنە، بە دانانی بارمتەی ٢ میلیارد تمەنی، بە شێوەی کاتی لە کانوونی ئێسڵاح و تەربییەتی سنە ئازاد کرا.
بە وتەی سەرچاوەیەکی ئاگادار، ئەم هاووڵاتییە لە ماوەی دەسبەسەرکرانیدا، لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی بێبەری بووە.
شەوی دووشەممە، ٢٦ی پووشپەڕ، هێزە ئەمنییەتییەکان هێرشیان کردبووە سەر ماڵی ئەم هاووڵاتییە و بە بێ بەڵگەی یاسایی دەسبەسەریان کردبوو.
بەیان فەرەجوڵڵاهی، بە مەبەستی لێپرسینەوە ڕەوانەی گرتنگەی ئیدارەی ئیتلاعاتی سنە کرابوو.
تاکوو ئێستا لە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە، زانیارییەک دەست نەکەوتووە.
