نەوسوود؛ چاوی کۆڵبەرێک بە تەقەی هێزە نیزامییەکانی حکوومەت بریندار بوو

ڕۆژی سێشەممە، ١٣ی پووشپەڕ، کۆڵبەرێک بە ناوی "هێمن مەحموودی"، خەڵکی گوندی "کانی ڕەش"، سەر بە شاری سەلاسی باوەجانی، لەلایەن هێزە نیزامییەکانی حکوومەتەوە لە سنووری نەوسوود تەقەی لێ کرا و چاوی بریندار بوو.

هێزە نیزامییەکانی حکوومەت، بە بێ ئاگادارکردنەوە و هۆشداریدانی پێشوو، ڕاستەوخۆ تەقەیان لەم کۆڵبەرە کردووە و بەم هۆیەوە چاوی ئەم کۆڵبەرە و چەند بەشێکی تر لە جەستەی بەتوندی بریندار بووە.

ئەم کۆڵبەرە کوردە بە هۆی توندی برینەکانییەوە، بە مەبەستی وەرگرتنی چارەسەری پزیشکی ڕەوانەی نەخۆشخانەی فارابیی تاران کراوە.