هێرشی هێزەکانی حکوومەت بۆ سەر ماڵی هاووڵاتییەکی کورد لە گوندی "نێ"ی مەریوان
سەرلەبەیانیی ڕۆژی دووشەممە، ٢ی گەلاوێژ، هێزە حکوومەتییەکان، هێرشیان کردە سەر ماڵی هاووڵاتییەک بە ناوی "بەرزان ئەرژەنگی"، خەڵکی گوندی "نێ"، سەر بە شاری مەریوان و دەستیان بەسەر ماڵ و سامانی کاسبکاراندا گرت.
بەوتەی سەرچاوەیەکی ئاگاداری کوردپا، پاش هێرشی هێزەکانی حکوومەت بۆ سەر ماڵی ئەنی م هاووڵاتییە، هێزەکانی حکوومەت لەگەڵ خەڵکی "نێ"، دەرگیر بوون و دەستیان بە تەقەکردن و فرێدانی گازی فرمێسکڕێژ بۆ لای خەڵک کرد.
ئەم سەرچاوە ئاگادارە ڕایگەیاند: هێزەکانی حکوومەت بە هێلی شات فیلمیان لە خەڵک و دەرگیرییەکە هەڵگرتووەتەوە.
ئەم سەرچاوە ئاگادارە ڕایگەیاند: لە ڕەوتی ئەم دەرگیرییەدا، "ئەسرین کانیسانانی"، هاوژینی بەرزان، لاقی بریندار بووە و ڕەوانەی نەخۆشخانە کراوە.
هێزەکانی حکوومەت پاش دەسبەسەرداگرتنی ماڵ و سامانی خەڵک و دەرگیری لەگەڵیان، گوندی "نێ"یان بەجێ هێشتووە.
