سەوڵاوا؛ دەسبەسەرکرانی هاووڵاتییەک لەلایەن هێزە ئەمنییەتییەکانەوە
18:25 - 23 جۆزەردان 2723
سەرلەبەیانیی ڕۆژی سێشەممە، ٢٣ی جۆزەردان، هاووڵاتییەکی کورد بە ناوی "عارف ئەدوایی"، خەڵکی گوندی "سلێن"، سەر بە شاری سەوڵاوا، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئەمنییەتییەکان، کاتژمێر ٦ی بەیانی هێرشیان کردووەتە سەر گوندی "سلێن" و بە بێ بەڵگەی یاسایی ئەم هاووڵاتییەیان دەسبەسەر کردووە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی عارف ئەدوایی، زانیارییەک لەبەر دەستدا نییە.
