حوکمی لەسێدارەدرانی زیندانییەکی خەڵکی کرماشان لە زیندانی سنە جێبەجێ کرا

سەرلەبەیانیی ڕۆژی پێنجشەممە، ٤ی جۆزەردان، حەکمی لەسێدارەدرانی زیندانییەک بە ناوی "سەعید محەممەدی‌فەر" خەڵکی کرماشان، لە زیندانی سنە جێبەجێ کرا.

ئەم زیندانییە، ٧ ساڵ پێش بە تۆمەتی "کوشتنی بەئەنقەست" دەسبەسەر و لەلایەن ناوەندەکانی دادوەرییەوە بە لەسێدارەدران مەحکووم کرا.

تاکوو ئێستا هەواڵی لەسێدارەدرانی ئەم هاووڵاتییە لەلایەن ناوەندە فەرمییەکان یان میدیاکانی نێوخۆی ئێرانەوە ڕانەگەیەندراوە.