بەردەوامیی دەسبەسەری و ناڕوونیی چارەنووسی خوێندکارێکی کورد لە زیندانی سنە
16:08 - 7 جۆزەردان 2723
سەردار شاهمورادیان، خوێندکاری خەڵکی سنە، سەرەڕای تێپەڕبوونی ٦ مانگ بەسەر دەسبەسەرکرانیدا، چارەنووسی بە ناڕوونی ماوەتەوە و لە زیندانی ئەم شارەیە.
بە وتەی سەرچاوەیەکی ئاگادار، ئەم خوێندکارە کوردە تاکوو ئێستا لە دەسپێڕاگەیشتن بە پارێزەر بێبەری بووە.
سەردار شاهمورادیان ڕۆژی سێشەممە، ٦ی بەفرانباری ١٤٠١، لەلایەن هێزە ئەمنییەتییەکانەوە دەسبەسەر کرابوو و پاش دوو مانگ لێپرسینەوە لە گرتنگەی ئیدارەی ئیتلاعاتی سنەوە بۆ زیندانی ئەم شارە ڕاگوێزرابوو.
تاکوو ئێستا سەبارەت بە تۆمەتە وەپاڵدراوەکان دژی سەردار شاهمورادیان زانیارییەک دەست نەکەوتووە.
