سنە؛ فەریبا زەندکەریمی پاش بانگهێشتکران بۆ ئیدارەی ئیتلاعات دەسبەسەر کرا
13:08 - 18 خاکەلێوه 2723
ڕۆژی چوارشەممە ١٦ی خاکەلێوە، فەریبا زەندکەریمی کە بە شێوەی گرێبەستی لە ئیدارەی پەروەردە و بارهێنان دامەزراوە و ئەرکی مامۆستایەتی بەڕێوە دەبا، پاش بانگهێشتکرانی بۆ ستادی خەبەریی ئیدارەی ئیتلاعاتی سنە دەسبەسەر کرا.
هێزە ئەمنییەتییەکان پاش دەسبەسەرکرانی ناوبراو هێرشیان بردووەتە سەر ماڵەکەی و هەندێ کەرەستەی کەسیی ناوبراویان لەگەڵیان خۆیان بردووە.
تا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتە وەپاڵدراوەکان دژی فەریبا زەندکەریمی زانیارییەک لەبەر دەستدا نییە.
