محەممەد قادرپوور بۆ جێبەجێکردنی حوکمەکەی ڕەوانەی زیندانی نەغەدە کرا
ڕۆژی یەکشەممە ٢٨ی ڕەشەمەی ١٤٠١، محەممەد قادرپوور، هاووڵاتیی خەڵکی پیرانشار پاش بانگهێشتکردنی بۆ لقی جێبەجێکاری حوکمەکانی ئەو شارە، دەسبەسەر و بۆ جێبەجێکردنی حوکمەکەی ڕەوانەی زیندانی نەغەدە کرا.
ئەو هاووڵاتییە کوردە ساڵی ١٤٠١، لەلایەن لقی ١٠١ی دادگای کەیفەریی پیرانشار بە تۆمەتی "هاوکاری لەگەڵ یەکێک لە حیزبە کوردییەکانی ئۆپۆزسیونی حکوومەتی ئێران" بە ٢ ساڵ و ٧ مانگ و ١٥ ڕۆژ زیندانی تەعزیری مەحکووم کرابوو.
ڕۆژی یەکشەممە ٢٤ی ڕێبەندانی ١٤٠٠، محەممەد قادرپوور کوڕی عەلی بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر و بۆ لێپرسینەوە ڕەوانەی یەکێک لە گرتنگە ئەمنییەتییەکانی ورمێ، کرابوو.
ئەو هاووڵاتییە کوردە پاش تەواوبوونی ماوەی لێپرسینەوەکەی بۆ زیندانی نەغەدە ڕاگوێزرابوو و ڕۆژی دووشەممە ٢١ی ڕەشەمەی ١٤٠٠، بە دانانی بارمتە بە شێوەی کاتی هەتا کاتی دادگاییەکەی لە زیندانی نەغەدە، ئازاد کرابوو.
