شنۆ؛ دوو هاووڵاتیی کورد بە دانانی بارمتە ئازاد کران
ڕۆژی سێشەممە ٢٥ی ڕێبەندان، شیروان خزری و ئەیووب میرزایی، دوو هاووڵاتیی خەڵکی گوندی "بێمزۆرتێ"ی شنۆ، بە دانانی بارمتە لە زیندانی ئەو شارە ئازاد کران.
ئەو دوو هاووڵاتییە هەر کامەیان بە دانانی بارمتەی ١ میلیارد و ٥٠٠ میلیۆن تمەنی بە شێوەی کاتی هەتا کاتی دادگاییەکەیان لە زیندانی شنۆ، ئازاد کراون.
ئەو دوو هاووڵاتییە کوردە ڕۆژی هەینی ٢٠ی خەزەڵوەر، بەبێ بەڵگەی یاسایی لەلایەن هێزە ئەمنییەتییەکانەوە دەسبەسەر و بۆ لێپرسینەوە ڕەوانەی یەکێک لە گرتنگە ئەمنییەتییەکانی ورمێ، کرابوون.
ئەو دوو هاووڵاتییە پاش تەواوبوونی ماوەی لێپرسینەوەکەیان بۆ زیندانی شنۆ ڕاگوێزران و لە ماوەی دەسبەسەرکرانیاندا، لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکانیان، بێبەری کرابوون.
شیروان خزری، پەرستاری نەخۆشخانەی شنۆیە.
هەتا ئێستا لە هۆکاری دەسبەسەرکران و تۆمەتی وەپاڵدراو دژی ئەو دوو هاووڵاتییە زانیارییەک لەبەر دەستدا نییە.
