زیندانی نەغەدە؛ جەماڵ عەلیزادە بە دانانی بارمتەی ٣ میلیارد تمەنی ئازاد کرا
16:58 - 23 رێبەندان 2722
ڕۆژی یەکشەممە ٢٣ی ڕێبەندان، جەماڵ عەلیزادە، هاووڵاتیی خەڵکی پیرانشار، بە دانانی بارمتەی ٣ میلیارد تمەنی هەتا کاتی دادگاییەکەی لە زیندانی نەغەدە، بە شێوەی کاتی ئازاد کرا.
ئەو هاووڵاتییە لە ماوەی دەسبەسەرکرانیدا، لە دەسپێڕاگەیشتن بە پارێزەر و چاوپێکەوتن لەگەڵ بنەماڵەکەی، بێبەری کراوە.
جەماڵ عەلیزادە بۆ لێپرسینەوە، ڕەوانەی گرتنگەی ئیدارەی ئیتلاعاتی ورمێ کرابوو و دواتر بۆ زیندانی نەغەدە ڕاگوێزرابوو.
ئێوارەی ڕۆژی سێشەممە ٢٦ی ڕەزبەر، هێزە ئەمنییەتییەکان بەبێ بەڵگەی یاسایی، هێرشیان بردبووە سەر ماڵی ئەو هاووڵاتییە و بە بێ هەبوونی بەڵگەی یاسایی دەسبەسەریان کردبوو.
